黃子華孖師弟潘燦良上演「大叔的恨」

黃子華、潘燦良聯手合演舞台劇《最後禮物》,令觀眾非常期待。 黃子華、潘燦良聯手合演舞台劇《最後禮物》,令觀眾非常期待。

  (星島日報報道)黃子華、潘燦良將聯手合演舞台劇《最後禮物》,主辦單位英皇娛樂日前重本於清水灣片廠搭建大型場景,讓兩位視帝、劇帝拍攝宣傳海報,兩人對視拍照,未上台已渾身是戲。子華預告今次劇中還有好多猛人,如身在外國就應「嗱嗱聲」返港隔離之後趕及入場睇。

  《最後禮物》於香港演藝學院一連舉行30場演出,兩位首屈一指的演員均是香港話劇團出身,多年來才首次有緣合作,子華離開香港話劇團後、阿燦才加入,名副其實是阿燦師兄。阿燦坦言今次能與師兄子華合作,加上劇本出自最佳編劇莊梅岩,所以立馬首肯。子華則謙稱一向視阿燦為偶像,大部分阿燦有份演出的劇都有看,非常開心期待合作,讓阿燦受寵若驚。

  五年沒演舞台劇,子華讓觀眾等到頸都長,他笑言:「我一直有開電影嘛!今次能夠同我偶像潘燦良合作,真係夢寐以求,潘燦良應該係我喺香港舞台上,睇得佢最多戲的人,粗略估計我睇咗佢十部演出或以上,所以好開心可以同佢合作。」談到今次演出的故事,子華笑言 :「我地呢部劇叫《最後禮物》,近年大叔好吃香嘛,好流行大叔的愛,我覺得我哋呢部劇有權改名叫:《大叔的恨》呀,哈哈……我同阿燦呢兩個大叔,喺部劇裏面恨到出面。」阿燦搭嘴:「應該係有好多愛先產生咁大恨,哈哈!」

  由於時間緊逼,兩人已開始投入綵排,又因疫情關係,編劇莊梅岩身在外國暫未能到港,以致開會、圍讀以及即將展開綵排都是用視像方式溝通。子華謂:「綵排應該會搵部機做直播俾佢睇住先。我哋之前已圍讀過一次,都幾震撼,因為我冇諗過,坐喺度一齊演出的演員,位位都係舞台劇界可以獨當一面的朋友,稍後大家都會知道有幾多猛人同我哋一齊演出,呢個咁重量級製作,如果你喺外國都應該拿拿聲返來隔離,希望你隔離完仲可以入場睇得切,哈哈!」

  

share to wechat

延伸閱讀

share to wechat

延伸閱讀

Gin Lee唔當AGA 陳凱詠為勁敵

楊紫被掐脖撞牆 拍危險打戲 獲救窒息腿軟

Dear Jane RubberBand戶外演出勁high

胡鴻鈞睇好何依婷:攞獎要狂多謝我!

都市網新聞