頭條獨家丨馬天佑讚張新悅何嘉莉有進步 重新包裝6位阿媽包有驚喜

形象顧問馬天佑(Mayao)將於11月5日在麥花臣場館舉行首個演唱會《Reinvention 馬天佑 衫。重奏》,邀得陳慧珊、關心妍、何嘉莉、張新悅、趙頌茹及谷祖琳着住他設計嘅靚衫,喺台上又唱又跳,Mayao保證令到6位靚媽好驚喜,更會令染指教育界嘅陳慧珊跳出框框變得更時尚!採訪:方騫平 攝影:葉君海 場地:The Pulse
馬天佑嘅處男Show係由音樂結合時裝,歌手有行catwalk部份。他亦將6位女歌手形象重新包裝。原來呢6位靚媽係Mayao兒時偶像,細細個就聽佢哋啲歌,所以自幼腦海中有好多唔同嘅畫面,今次可以呈現細個時嘅設計:「小時候我自閉到冇朋友,小學時獲邀參加第一個生日會好驚獨坐客廳一角,咁啱俾電視機播緊嘅何嘉莉《愈錯愈愛》MV吸引住,覺得佢好有型同好正,我認為佢可以再昇華啲,帶出啲糜爛感覺。」唱兒歌訓練歌藝
Mayao又大讚張新悅的歌藝進步咗唔少,翻唱《明知故犯》竟然搣甩咗把「雞仔聲」,失去原有「就嚟走音」嘅風格:「咁樣反而令人唔多習慣,不如你唱返渣啲啦!」新悅笑住解釋:「係因為近幾年同囡囡唱兒歌唱得多。」另外,何嘉莉曾隔空同薛影儀(阿儀)對唱《兩種人》,她更多謝阿儀炒返紅首歌:「我覺得佢幾好呀!佢有佢個人風格!呢個世界需要有話題。」

share to wechat

延伸閱讀

share to wechat

延伸閱讀

Ansonbean指林愷鈴太受歡迎好難追

黎諾懿小春雞合力為老婆執走佬袋 追女失敗有個「孖」字感滿足

Lucy做瑜伽獲媽咪封為「吊燒乳豬」

IU奪5獎見歌迷寒風中等候熱淚盈眶

都市網新聞