鄭秀文邀栢天男拍《螢》專屬MV:希望感受到我嘅誠意

鄭秀文(Sammi)為新歌《螢》推出生日音樂Live版和全能助手自家製剪輯版MV,但向來追求完美的Sammi決定為歌迷炮製驚喜,再為《螢》拍一個專屬MV,今次她邀請了型男栢天男擔任男主角,兩人在電車上談一場以愛發光發亮的愛情故事。雖然拍攝當日面對八號風球迫近,也算天公造美,因為雨景跟這個MV氣氛非常吻合,畫面更添淒美!

Sammi 說:「之前出咗兩個MV版本唔算係正式MV,今次邀請栢天男擔任男主角,拍一個專屬MV。我覺得MV畫面非常重要,畫面除咗有質感,男女主角有好多演戲部份,所以要搵專業演員演MV男主角。呢首歌嘅歌詞內容令人感動,係講一個人為愛情付出和犧牲精神,希望MV帶出淒美,又有少少Cool嘅感覺。」登上電車後,Sammi興奮地說:「我成日都覺得《螢》同叮叮(電車)有一種好奇妙嘅連系,終於達成心願上到叮叮,呢個亦都係《Listen To Mi》專輯送畀大家嘅驚喜。因為好多歌迷都以為只有音樂會剪輯版MV,估唔去到呢刻有個咁大嘅驚喜,希望大家感受到我嘅誠意、對呢首歌嘅執著和認真,同埋喜歡呢個版本嘅MV。」

雖然栢天男對中文認識不多,靠工作人員翻譯而了解歌詞意思後,亦表示好感動,他說:「我中文唔叻,我最鍾意當中歌詞『小小的飛蟲卻能憑愛發亮發光』,螢火蟲單憑愛就可以令自己發光發亮,好有意思。好多年輕情侶一開始時會遇到好多阻滯,為咗延續愛,培養感情並唔容易,要堅持,特別鍾意呢首歌好多鼓勵性嘅歌詞。」他自爆烏龍事,原來最初他自以為有「型」而被選中演出,後來才知道歌名是螢火蟲的「螢」字,非常搞笑。

share to wechat

延伸閱讀

share to wechat

延伸閱讀

「網上好多消息不可信」洪金寶暗撐老友阿倫

BIGBANG五年空白期惹怒Fans 租車展示標語停泊YG外抗議

林嘉欣大尺度黑白照表達內心

鄭雨盛打完兩劑疫苗仍確診 宋仲基外婆病逝低調送殯

都市網新聞