陳法蓉自爆桃花旺多人追 蔡少芬節儉愛買樓獲封大富婆

蔡少芬、朱茵、陳法蓉及洪欣為內地真人騷節目《請吃飯的姐姐》接受考驗,大玩「港普F4」之最,選出最多人追、最易嬲、最不守時、最飲得、最易呃及最囉嗦、最有錢等人選。

唯一未婚的陳法蓉經票選成為「桃花王」,朱茵說:「佢(陳法蓉)不停享受被追求嘅感覺,如果唔係,佢已經結婚。」陳法蓉亦笑言自己實至名歸:「我有好多人追,但我唔鍾意嘅話我會拒絕,唔會畀對方希望、浪費對方金錢及時間,呢個秘密唔係太多人知,因為好多時啲人見唔到我身邊有太多男性出現,但其實我拍拖非常機警,拍咗你哋都唔會知。」同時法蓉亦一致被選為「囉嗦王」,今次她則否認囉嗦,只是詳細。
朱茵被選為「遲到王」,蔡少芬指朱茵通常遲3個鐘後甚或不出現,自從生了囡囡已改善很多,但都會遲。朱茵對此直認不諱,還笑說:「因為我係大人物!」至於,被票選為「不醉王」的蔡少芬說:「佢哋出嚟好悶架,一人一支熱滾水或蔘茶,佢哋3個係老人家嚟。」蔡少芬同時當選「大富婆」,因她工作最多又最愛錢,還很節儉,把所有錢放在投資如買樓。洪欣則成為「易嬲王」、「易呃王」及「口疏王」3冠王。

share to wechat

延伸閱讀

share to wechat

延伸閱讀

金宣虎同學出場力撐性格善良 不忍好友被攻擊惹人格爭議

黃翠如40歲生日視作人生里程:每一點也會好好珍惜

李雲迪傳嫖男妓 一同被拘留女子疑是媽媽生

MC首開騷對住四面台暈暈哋 洪嘉豪道心底話泣不成聲

都市網新聞