關禮傑《我家》最後10日瘋狂衝刺 早起兩個鐘拉筋拍動作戲

TVB劇《我家無難事》明晚(15日)迎來大結局,最後一周劇情峰迴路轉。昨晚(13日)劇情講到郭忠石(關禮傑飾)與郭得勤(馬德鐘飾)、郭得寶(車婉婉飾)及郭得明(楊明飾)反目,並疑似與豬皮聯手進行毒品交易;根據昨晚播放預告,忠石將身陷槍戰,其「正邪」身份依然是個謎。
求證監製王心慰,她笑言:「忠石係好人嚟,但我唔講咁多,我自己覺得大結局好多感人位。」王心慰又大讚關禮傑愈拍愈fit:「之前同佢合作已覺得佢好fit,今次再合作亦見佢愈拍愈fit。其實最後10日我會用好『甘』形容佢,除咗好多動作場面,情緒變化亦相當多,有憤怒、壓抑、悲傷、絶望同感動,全部都係好消耗體力嘅場口,但佢都應付得好好,我好佩服。」

由於忠石角色有情有義、有血有肉,加上關禮傑演繹出色,備受網民喜愛,並為他的演技一直被「睇低」感不值。關禮傑受訪時直認十分喜歡忠石這個角色,並誠意對待拍攝:「最後結局篇嘅拍攝我係最畀心機,因為要好多精神同體力。」他又謂為了應付連場打戲,下了不少功夫:「喺每個通告之前,我會早啲起身拉筋;譬如朝早6點通告,我會4點起身拉筋,做好熱身;喺返公司期間,我會做開聲訓練,等拍劇時講對白好啲。」

share to wechat

延伸閱讀

share to wechat

延伸閱讀

生田繪梨花離開乃木坂46 12月開畢業演唱會

江美儀驚喜烹飪節目揚威海外

Ian新內褲宣傳照騷完美線條 瘦仔網民懇求放他一馬

城城讚「泰國村」神還原 青雲嗌終於可剃鬚

都市網新聞