久天長地丨游學修首場演出忘記拉褲鏈 楊淇對手強勁壓力大

白只、楊淇、游學修、朱栢謙、王曉怡、商台DJ當奴和Wasabi 主演的舞台劇《久天長地》於日前正式公演,游學修表示一見觀眾比想像中緊張,他笑稱這次是「考牌」之作:「我緊張到自己剛才唔記得拉褲鏈,去到差唔多一半先發現到,頭幾行嘅觀眾值回票價,唯有用演技以外嘅嘢震攝佢哋。」今次楊淇由學生演至人妻,她直言這次對手強讓令自己壓力甚大,也因太在意每一個細節:「可能自己太想做得最好,所以會俾多咗壓力自己。很開心觀眾反應都好大,好快就入戲,感受到佢哋同個戲一同呼吸!」
白只在戲中穿梭多個場口,角色情緒大起大落,時而聲嘶力竭,時而淚流披面,首場完成後見觀眾反應好,白只亦感如釋重負:「其實都唔係喊得好辛苦嘅,因為我開始覺得每日喊吓、流吓眼淚,成個人都會放鬆啲、健康啲。以前我做開喜劇,啲人覺得我做到就成日搵我做,所以今次監製(張珮華)搵我做正劇係好大膽,可以有這次機會已經心滿意足!」
傷感的同時,亦有令觀眾會心微笑的劇情,好像DJ當奴和Wasabi的出場,緩和了傷感的情緒,不過當奴仍被其他演員和現場音樂影響收到「催淚」效果,他笑言流了「兩加侖」淚水:「呢次舞台劇有Live Music真係好勁,加上其他演員都係高手,好自然帶我去咗傷感嘅氣氛,效果都幾震撼!戲中我呢個角色係帶歡樂畀朋友,唔係要表現爆笑嗰一種,係『撐』朋友嗰一種歡樂。」早前DJ Wasabi宣佈離開工作廿多年的商台,而今次他的演出純屬客串:「今次以我嘅小說改編,而我嘅演出只係客串性質,所以好早可以返去後台享受,到謝幕時,每個人的投入將情緒推到爆晒,我哋每一個演員都要搵紙巾,因為眼淚鼻涕一齊流。」

share to wechat

延伸閱讀

share to wechat

延伸閱讀

溫兆倫美顏過度出事 鄧萃雯貼真面目照平反

陳奕迅到徐濠縈時裝店嘆咖啡 兩公婆心有靈犀穿粉紫情侶裝

高志森《鎖麟囊》決定重演三場 望推動粵劇弘揚嶺南文化

獨家|曾志偉有生之年 花光所有分文不留子女

都市網新聞