【頭條獨家】被TVB新聞部欽點做節目 陳貝兒川藏高原患高山症險死

最近喺川藏高原缺氧嘅陳貝兒(Janis)得TVB新聞部欽點拍節目,雖然Janis對新節目賣關子,但從訪問中可完全感受到她做節目的搏命程度有幾高,她說:「由4月尾離港,節目足足拍咗3個月,係有史以嚟離開屋企最長時間嘅一次,而且拍攝地點氣候橫跨春夏秋冬,我貴為周圍去嘅執篋達人,咁有經驗都被考起。加上去內地拍攝,半年前已搵咗個來自北京嘅普通話老師單對單惡補,希望幕前表現好啲。」採訪:方騫平對於整個旅程,Janis表示最後一站最難忘,「川藏高原高海拔4000幾米,雖然早一星期已開始食藥,但仍然有高山反應。當時個頭痛到爆炸,心口又翳住痛,呼吸好困難,要好大力先吸到好少氧氣入肺,感覺好唔舒服,藏族朋友知道叫我唔可以拖,最後要緊急送院。」

賣命為節目
多得當地朋友提醒,陳貝兒即刻入院,醫生告知她好彩送院及時,否則後果好嚴重。Janis坦言,「成個旅程我都覺得幾驚險,而且去到高海拔地方杳無人煙唔會有訊號,有段時間同屋企人失去聯絡,佢哋都好擔心我。」她大笑說:「今次真係姐姐缺氧了!」問到使唔使搵藏區型男嚟做人工呼吸?她忍住笑容回答:「做嘢先做嘢先!」因為要趕返主持奧運,所以只入院吸氧幾小時,即喘住氣拍埋個尾。對於被TVB視為寶藏嘅新聞部欽點做新節目,她強調冇壓力,只有更加努力。

share to wechat

延伸閱讀

share to wechat

延伸閱讀

《殺出個黃昏》有機會拍前傳? 林耀聲扮年輕版四哥要講粗口

郭晶晶進駐抖音分享當年出戰軼事 不忘為中國跳水隊打氣

細仔未成年載哈七玩水上電單車 碧咸遭警方問話

【仲有好多進步空間】姜卓文謹記爸爸姜大衛教誨:將壓力變成推動力

都市網新聞