秘密練兵操出麒麟臂蝴蝶背肌 ANSONBEAN狀態大勇下周出處男歌

陳毅燊(ANSONBEAN)參加《全民造星III》獲得季軍後決定暫時放下學業,追尋自己理想星途,下周ANSONBEAN將會推出處男歌,原來他已秘密練兵多時,務求蓄勢待發:「首歌喺五月準備到𠵱家,真係既興奮又刺激,到時會現場表演畀大家睇,希望大家鍾意。」

ANSONBEAN作為新人,明白要經歷磨練才能成功,更知道裝備自己的重要,經過半年的努力與堅持,ANSONBEAN一周五天艱辛的健身訓練終練出成果,目前操出一雙麒麟臂與完美蝴蝶背肌,非常煞食!他說:「有時都有練得辛苦嘅時候,我就會諗起有一個法國微生物學家講過一句『Chance favors only the prepared mind』(機會只是眷顧有準備的人),我覺得好有道理,所以當我操到好攰,就會諗起呢句說話,叫自己加油、努力!」

操肌鍛煉意志令頭腦清醒
除了鍛煉大隻仔身形,ANSONBEAN認為健身更能鍛煉意志:「感覺練到咁多嘢好似好抵咁,咁諗就唔會咁易放棄。因為好集中一樣嘢,做完gym個人頭腦會清醒啲,冇咁罪疚感,好似做咗一個和尚咁。」ANSONBEAN又笑言跟三個朋友組織咗個「和尚天地」群組,一同分享討論健身苦與樂,大家會互相傳啲騷肌相,互相督促展示成果,希望鼓勵身邊人都健康啲。

至於問到ANSONBEAN人生中,可曾有過放棄的事情?他想了想說:「我放棄咗過英國讀書,原本我上年9月會去,都好呀,我唔想去㗎!因為嗰度好悶,加上我好鍾意呢一行,所以選擇留低。」

share to wechat

延伸閱讀

share to wechat

延伸閱讀

【傾完有改進】「遮遮」玩字母早餐 張敬軒求高人指點有咩意思

三年抱三好生養 31歲陳嘉寶宣布陀第三胎:天父賜嘅禮物

王嘉爾微博祝賀奪女子重劍金牌 孫一文在線幫閨蜜拎簽名照

C AllStar紅館騷輪住喊 釗峰On仔騷肌爆尖叫

都市網新聞