【前夫發出黑色警告】又有巴士路線為MIRROR ERROR造勢 fans自製搭車攻略勢必攻陷屯門

兩大人氣組合MIRROR和ERROR將會在明天破天荒合體出席ViuTV在屯門市廣場舉行的《夏日電視賞》記者會 FB LIVE,一班「鏡粉」和ERROR的fans為見偶像一面,當然用盡方法與他們近隔離接觸!

當早前消息有指MIRROR和ERROR將會現身屯門後,已經有不少人出現焦慮症,區內人當然擔任人潮會攻陷屯門,造成交通癱瘓,區外人當然想盡任何方法,無論如果事必一定要成功進入屯門市廣場,於是今日已經有fans制定搭實路線圖,如果從港區、葵芳、荃灣、深水埗、長沙灣、尖沙咀、東涌、青衣、觀塘、黃大仙、九龍城、元朗、上水、粉嶺和大埔等地,乘坐巴士、港鐵、輕鐵和屯馬綫直達屯門,他們亦提醒大家,上車前記緊去定洗手間!

而最愛用巴士路線為偶像造勢的鏡粉,今日又在fans群組聲稱有內幕消息,表示連同「教主」Anson Lo在內,有數十架印有MIRRRO ERROR成員的巴士,明天將會行走屯門區,有指這條巴士線是行走屯門(山景邨)至灣仔(會展)的961號車,離開灣仔總站的時間將會是朝早八點!消息傳出後,fans當然四出尋找車程表,就算見不到MIRROR和ERROR,都期望可以在巴士車身打卡,有fans表示60X和52X在今晚已經安排兩班車來往九龍和屯門!
另一方面,FB「我老婆嫁左比Mirror導致婚姻破裂關注組」的版主,今晚亦在群組對明天發出「黑色姦夫警告訊號」:「請各前夫避免進出新界西北部,盡量向本港東南面前進,確保地勢平衡;如果你本身住係屯門,請於家中儲存足夠糧食,手制要叉足電,搵定番號以備不時之需;如果你被徵召上陣,請以輕便裝束為主,出發前做好熱身運動;如果你係嗰個商場返工,時刻做好拍片嘅準備,始終你唔知邊個會經過你門口;各位鏡粉請保持理智,做好個人衛生措施,唔好推撞,因為你點推都好,嗰16條友都係見你唔到架;各位羊,幫我同Dee哥講聲我支持佢thx
時候都唔早喇,我要早啲瞓,瞓到後日!大家保重!」同時都有網民呼籲明天在商場工作保安,記緊要戴耳塞!

share to wechat

延伸閱讀

share to wechat

延伸閱讀

《殺出個黃昏》有機會拍前傳? 林耀聲扮年輕版四哥要講粗口

富士電視台邀請福原愛做評述員 網民狠批:認同不倫行為

郭晶晶進駐抖音分享當年出戰軼事 不忘為中國跳水隊打氣

金聖圭新冠痊瘉復工被飛 節目固定成員變演出嘉賓

都市網新聞