漢洋開騷帶細仔上台合唱

《漢洋友共情三十載演唱會》前晚在旺角舉行，漢洋整晚以多首歌曲回顧入行30年，更憑歌寄意向師傅羅文以及哥哥張國榮致敬，坦言當年因成為羅文徒弟而自豪，更自誇比歌神張學友更有條件：「我後生過佢、靚仔過佢、身形又好過佢！基本上佢有嘅嘢我有，佢冇嘅嘢我都有。」
除了早已預告從澳洲回港助陣的小雪，當晚嘉賓還有黎瑞恩、譚嘉荃等，漢洋更在後半段帶了一位小男孩上台，宣布早已為人父，太太更是他自19歲以來的初戀對象。漢洋牽住年僅10歲的細仔Hin Hin合唱，15歲大女亦在台下捧場。騷後他大方與家人合照，但未有透露與太太結婚多久。問到為何選在當晚公布？他說：「家唔講幾時講？（仔仔可會再表演？）佢唔鍾意做呢行，都係我貪玩問佢先上嚟。」他指太太不會到場，因為嫌麻煩不想曝光。

文：李文偉 圖：譚志光