鍾情初生嬰想做陪月員 谷祖琳申請幫何嘉莉湊B

谷祖琳(小谷)出席攝影師Kit Chan(陳明傑)作品展,現場擺放了小谷與長女合照。小谷表示跟對方認識多年,由結婚、產女、甚至影全家福也由對方操刀。她說:「當時大女出世了兩三日,睇返張相真係好鍾意BB仔,但我未必會再生B,所以有朋友就快生B,好似何嘉莉咁,我就會話可唔可以申請嚟湊B,好鍾意一兩個月的BB,剩係食、瞓同喊,我都可能第時會做陪月員。」

小谷透露長女快將7歲就讀小學,幼女讀幼稚園,本來也想再生B,但希望將更多時間投放在她們身上。她說:「大女需要多點活動教學,所以要度一些有趣學習環境給她,變了我都要學埋一份。」談到電影工作,她說:「依家傾緊,仲未知。不過近日跟電影工作朋友傾偈都話呢排會緊張啲,內地審批比較嚴。如果有適合劇本會拍,我好鍾意拍戲。」(攝影:鄺芷瑩)

都市網新聞