阿倫爆志偉係日本大地主

■譚校長今年的工作安排已排至十一月。

文:駱震寧 圖:譚志光

譚詠麟(校長)前晚帶同旗下歌手趙浚承,到ViuTV為音樂節目《譚音樂譚欣賞大本型》錄影。問到校長如何度過農曆新年?校長表示去了日本旅行,日前則到澳門跟許冠傑開騷,如果檔期沒有變動,工作已編排到11月。他說:「過兩日開始做新碟。(去日本有無揸車呀?)哈哈!我梗係有揸車啦,司機坐我隔籬,只係幫我泊位。佢(曾志偉)係雪地,我唔係嘛!不過都唔關佢事,佢都係無辜。」校長乘機揶揄志偉,他笑說:「自從佢上年中3T,一路獲利回吐緊,不過今年無事㗎喇,所有衰嘢都走晒。」
此外,校長透露不時都會跟志偉到日本旅行,去年更入住志偉於日本開設的民宿。他大爆志偉是大地主,於伊豆及大阪都有物業。他笑說:「正所謂矮仔多計,佢真是打跛腳都唔使憂,我都想打跛佢,哈哈!」

都市網新聞