楊明戲稱劇名叫《機場更衣室特警》

■張振朗因為未夠健碩,所以叫靚湯減肥、免比他更大隻。

文:駱震寧 圖:朱偉彥

無綫新劇《機場特警》昨日進行拜神儀式,主要演員包括楊明、張振朗、關禮傑、黃子恆、蔡思貝、湯洛雯及鄧佩儀等整裝亮相。張振朗透露《機》劇將會是有史以來最多騷肌鏡頭的劇集,楊明更笑指劇名其實是《機場更衣室特警》。
機場特警往往給人印象都是大隻得逼爆制服,楊明透露機場特警正式當更前,都先做一小時體能訓練,因此他們體形如此健碩。他笑說:「機場特警好鬼麻鬼煩,操體能包括跑步同舉鐵。而跑步佢哋會除上衫,監製一早已經講咗會照咁樣拍攝,仲有好多更衣室戲,其實係《機場更衣室特警》。」
蔡思貝親剪頭髮做特警
席間,關禮傑指揮眾「特警」作槍械演練,但蔡思貝不慎跌了彈匣。楊明解釋公司買了一批新的道具槍,可能彈匣不太對位而已。蔡思貝指自己身形瘦削,但會加緊操練,希望大隻一點及有腹肌。談到剪了一頭短髮,蔡思貝覺得此舉別有意義,她說:「呢兩年留長頭髮,觀眾都覺得我女仔番,今次剪短就好似重新開始咁,頭髮都係我親手剪。」
張振朗叫湯洛雯減肥
此外,劇中張振朗跟湯洛雯有感情。訪問時,張振朗直接要求靚湯減肥,笑指她不能比機場特警更健碩。記者笑指靚湯變肥湯,湯洛雯笑說:「減緊喇!已經減咗少少,依家12X磅,目標係減10磅。我有信心減到參選時咁fit,不過參選嘅時候都唔係好好。」
記者指張振朗身形仍未達標,他笑說:「機場特警有兩種,一種係大隻,一種係跑得快,我係第二種。」他解釋剛拍完另一新劇及錄影《美女廚房》,隨後會加強操練。

■關禮傑揸槍姿勢,贏晒一班年輕人。

■楊明與蔡思貝的造型都很有味道。

■原來黃子恆只是高蔡思貝少少。

■新劇拜神場面墟冚。

都市網新聞